بلوچستان ہائیکورٹ کے ایک قابل جج کی توثیق کو اس بنیاد پر روکا گیا کہ ان کے بھائی کاتعلق پشتونخوامیپ سے ہے: بلوچستان بار کونسل

بلوچستان بار کونسل کے وائس چیئرمین مین جاڑین دشتی ایڈووکیٹ، چیئرمین مین ایگزیکٹو کمیٹی ایاز خان مندوخیل اور ممبر ان ایگزیکٹو کمیٹی محمد افضل حریفال ، نادر علی چھلگری، نجیب اللہ خان کا کڑ اور راحب خان بلیدی نے اپنے ایک بیان میں جوڈیشل کمیشن کے حالیہ فیصلے جس میں بلوچستان ہائی کورٹ کے ایک نہایت اہل، دیانت دار ، ایمان دار اور پیشہ وار نہ جج کی توثیق کو محض اس بنیاد پر روکاگیاکہ ان کے بھائی کا تعلق پشتو نخواہ ملی عوامی پارٹی سے پر شدید برہمی اور تشویش کا اظہار کیاہے ۔بلوچستان بار کونسل اس فیصلے کو کھلی جانب داری، تعصب اور امتیازی سلوک قرار دیتی ہے۔بلوچستان باور کو نسل واضح کرتی ہے جسٹس ایوب ترین اپنے دیانت داری غیر جانب داری پیش آورانہ مہارت اور عدالتی وقار کے حوالے سے شہرت رکھتے ہیں اور انکے خلاف کسی بھی قسم کی بد دیانتی جانبداری اور نا اہلی کا کوئی الزام موجود نہیں ہے ایسے قابل اور ایمان دارجج کو اس کے کسی عزیز کی سیاسی وابستگی کی بنیاد پر نشانہ بنانا نا صرف غیر آئینی اور غیر منصفانہ ہے بلکہ عدلیہ کی آزای اور غیر جانبداری کے مترادف ہے بلوچستان بار کو نسل یہ سمجھتی ہے کہ کسی جج کی اہلیت اور قابلیت کو اس کے خاندان سے جوڑنا اجتماعی زمہ داری کے غیر منصفانہ تصور کو فروغ دیتا ہے۔ جس کی ہمارے آئینی اور قانونی نظام میں کوئی گنجائش نہیں ہے۔ یہ طرز عمل عوام کی عدلیہ پر اعتماد کو شدید نقصان پہنچاتا ہے جو کہ قابل مذمت ہے بلوچستان بار کو نسل دو ٹوک انداز میں اعلان کرتی ہے کہ وہ عدلیہ کی آزادی اور وقار پر کسی بھی قسم کا سمجھوتا نہیں کرے گا۔ اور اس جانبدارانہ طرز عمل کے خلاف ہر آئینی اور قانونی فورم پر آواز بلند کرے گی۔ بیان میں مطالبہ کیا گیا کہ جو ڈیشل کمیشن اپنے اس فیصلے پر فل فور نظر ثانی کرے اور بلوچستان بار کونسل جو ڈیشل کمیشن کے اس سیاہ فیصلے پر تمام بلوچستان میں مورخہ 2026-01-14 عدالتی ہڑتال کا اعلان کیا گیا ہے۔