محکمہ موسمیات کی ملک کے بالائی علاقوں میں 9 سے 12 مارچ تک بارش، آندھی اور گرج چمک کے ساتھ بارش کی پیشگوئی

اسلام آباد۔9مارچ (اے پی پی):محکمہ موسمیات نے ملک کے بالائی علاقوں میں 9 سے 12 مارچ تک بارش، آندھی اور گرج چمک کے ساتھ بارش کی پیشگوئی ظاہر کی ہے۔پیر کو محکمہ موسمیات نے پیشگوئی کی کہ ایک مغربی لہر پیر کی شام ملک کے مغربی حصوں تک پہنچنے کا امکان ہے اور 12 مارچ تک برقرار رہنے کا امکان ہے۔ اس موسمی نظام کے زیر اثر چترال، دیر، سوات، کوہستان، شانگلہ، بٹگرام، بونیر، مالاکنڈ، مانسہرہ، ایبٹ آباد، ہری پور، گلگت بلتستان اور کشمیر کے اضلاع میں 9 سے 12 مارچ تک جزوی طور پر ابر آلود سے ابر آلود موسم کی حالت کے ساتھ ہلکی بارش، آندھی اور گرج چمک کے ساتھ کا امکان ہےجبکہ 10 اور 11 مارچ کو خیبر، مہمند، پشاور، صوابی، مردان، چارسدہ، نوشہرہ باجوڑ، بنوں، وزیرستان، اورکزئی، کرم، کوہاٹ، ہنگو اور میانوالی میں بھی ہلکی بارش/گرج چمک کے ساتھ بارش کا امکان ہے۔ اسلام آباد، پوٹھوہار ریجن، مری، گلیات اور گردونواح میں 9 مارچ (رات) سے 11 مارچ تک وقفہ وقفہ سے بارش/آندھی/گرج چمک کے ساتھ بارش کا امکان ہے۔ پیشگوئی کے دوران اسلام آباد اور ملک کے بالائی علاقوں میں چند مقامات پر ژالہ باری کا بھی امکان ہے۔ممکنہ اثرات کے پیش نظر ملک کے بالائی علاقوں میں دن کے وقت درجہ حرارت میں 3 سے 4 ڈگری سینٹی گریڈ تک کمی متوقع ہے۔ اس دوران بالائی خیبرپختونخوا، گلگت بلتستان اور کشمیر کے حساس علاقوں میں لینڈ سلائیڈنگ ہوسکتی ہے۔سیاحوں کو مشورہ دیا جاتا ہے کہ وہ زیادہ محتاط رہیں اور پیشنگوئی کی مدت کے دوران غیر ضروری سفر سے گریز کریں۔ کسانوں کو مشورہ دیا جاتا ہے کہ وہ اپنی فصلوں کا انتظام موجودہ موسمی حالات کے مطابق کریں۔ ایران کی حالیہ صورتحال کی وجہ سے ہوائیں آلودگی پھیلا سکتی ہیں اور ملک کے مغربی حصوں میں ہوا کا معیار خراب کر سکتی ہیں۔